صورتك.. ارسمها بنفسك | بقلم أميرة أمين

كتير من أفعالنا وقراراتنا بتكون رد فعل لموقف، أو إعلان تلفزيوني، أو ذكرى معينة، أو قيمة مُثلَى فى المجتمع بنحاول نوصل لها.. وكل العوامل دي بتشكّل صورتنا عن ذاتنا BODY IMAGE

صورتك.. ارسمها بنفسك | بقلم أميرة أمين

البحث عن الصور المتشابهة

الشحرورة "صباح" أيقونة السينما المصرية فى الستينيات والسبعينيات..

كان أهلها بيشوفوها من وجهة نظرهم مش جميلة، ودة اللي دفعها للجواز مرات ومرات، عشان تقهرهم حسب ما صرّحت في أحد اللقاءات.

كتير من أفعالنا وقراراتنا بتكون رد فعل لموقف، أو إعلان تلفزيوني، أو ذكرى معينة، أو قيمة مُثلَى فى المجتمع بنحاول نوصل لها.. وكل العوامل دي بتشكّل صورتنا عن ذاتنا BODY IMAGE

إزاي بتشوف/ي نفسك؟!

جسدك؟!

مدى رضاك عن شكلك ومظهرك الخارجي؟!

حواراتك الداخلية؟!

تصورك عن نفسك فى عيون الغير، واللي ممكن تكون إيجابية أو سلبية؟!!!
صورة إيجابية
فتكون/ي واثق/ة من نفسك، مرتاح/ة فى جسدك، راضي/ة عن مظهرك الخارجي، ومدرك/ة تماما إنه جزء بسيط من شخصيتك لا أكثر.

أو النقيض تمامًا.. سلبية
دايما خجول/ة لأن صورتك عن ذاتك مشوهة، شايف/ة نفسك أقل جمالا، دايما قلقان/ة من مظهرك وإزاى الناس بتشوفك، وخوفك ممكن يدفعك لأذيّة نفسك.

فيه دراسة في جامعة كولومبيا، ناقشت هوس الشباب بالمظهر المثالي ومحاولة للوصول ليه.. بيمارسوا حميّات غذائية متطرفة جدًا ممكن تسببلهم أمراض مختلفة منها:
Anorexia nervosa

فقدان الشهية العصبي، وهو اضطراب فى الأكل، ممكن يؤدي للموت نتيجة الانخفاض الشديد فى الوزن.
Bulimia nervosa

الشره المرضى العصبى، ودة كان المرض اللى عانت منه أميرة القلوب ديانا.
وحسب دراسة أُجريت على طلاب جامعة شيكاغو الأمريكية؛ 74.4% من السيدات و46% من الرجال بيعانوا من القلق حول مظهرهم الخارجي.

فيه عوامل كتير بتساهم فى بناء ال  Body Image

-       كلام الأهل.. كتير ما بنسمع جمل بتتقال للأطفال زي هي/هو طالع/ة وحش/ة لمين، حلوة بس سمرا، وتعليقات تانية بدون وعي عن مدى تأثيرها على صحتهم النفسية وثقتهم بذاتهم.

-       للأصدقاء دور مهم.. لذلك متترددش فى إنك تطلب/ي المساعدة منهم، وفي حالة إنك بتتعرض/ي للسُخرية أو التسفيه منهم، فأنت بحاجة لأنك تراجع/ي العلاقة دي وتعيد/ي تقييمها.

-       الصور المثالية اللى بيروج لها الإعلام عن الجسد المثالي والوزن المثالي.. البنت لازم تكون طويلة ورفيعة وبيضا، وشعر بلون مختلف عن الأسود، وعيون ملونة.. دي صورة نمطية اتصدرت لسنين طويلة عن الجمال المثالي للمرأة وكان ضحيتها سيدات كتير، والشاب لازم يكون طويل عريض مفتول العضلات والدقن أو الشنب.

-       الخبرات والتجارب الشخصية اللى بنتعرضلها بتشارك فى تكوين صورتنا الجسدية.

ريتا فيرمان مؤلفة كتاب

"BodyLove: Learning to Like Our Looks and Ourselves"

ذكرت إنه مهم نكون واقعيين منكبرش من عيوبنا وإن نكون رفقاء بأنفسنا ومتسامحين معاها..

كونوا لطفاء مع أنفسكم

هذه الكلمات تُعبّر عن كاتبها 

اقرأ أيضا

لو أننا لم نفترق | "أنتِ" سلسلة من القلب بقلم (محمد جمال)

"ديانا" | كلميني.. إيه الكلام – سلسلة يكتبها (محمد جابر)

شِبه رُوح | (رسائل مبعثرة) - محمد ندا

ملف المستقبل | عندما عشنا مغامرات الخيال العلمي في أيام الطفولة الأولى